مالي خلق

صباح البن الأشقر ياالحجاج الطلق=عساك بخير وأمورك طبيعية
يقولون الرجال البيض يسلق سلق=ولا يصلح للي فيهم حساسية
تعبنا مالقينا اللي يبل الحلق=اجاويد وطمعنا في حرامية
ياساقي شد حيلك فالطريق الزلق=لاتزلق وانت ماعندك صلاحية
حليب الناقة الخلفة لو انه طلق=اخير من المراعي والسعودية
ياكم راسٍ طويل ويستحق الفلق=وياكم راسٍ بلا غترة وطاقية
وياكم دقنٍ طويل ويستحق الحلق=وياكم دقن محلوق وهو على نية
يدور الوقت والا مايدورالخلق=ضحية للنعرات القبلية
وانا ماني من اهل الهلق واهل الملق=احب احيا واموت بكل حرية
ترى مالي على بعض السوالف خلق=احب الحب وكرهي للكراهية

وانا ماني من اهل الهلق واهل الملق = احــب احـيـا وامــوت بـكـل حـريــة
ترى مالي على بعض السوالف خلق = احــب الـحــب وكـرهــي للكـراهـيـة

صح لسانــك يا ابو نـــوار

صح لسانك يا عبدالله وقصيدتك هذه بما حملت من قافية صعبة فقد أرغمتك القافيه على الجنوح عن الشاعرية المعروفة للشاعر عبدالله نوار أرجو لك التوفيق ومن المؤكد بان المعنى في بطن الشاعر.


أبن مصاول

صح لسانك يابو نوار