لذة الحب في الشي القليل

كل ما أقفيت ناداني تعال
وكل ما أقبلت عزّم بالرحيل

وكل ما أجنبت واعدني شمال
يا أهل الحب ضيعت الدليل

الحقيقة غدت مثل الخيال
هو عدوّي وهو أغلى خليل

شفت أنا الظلم من بعض الدلال
يجرح القلب لو كانه جميل

أشهد إن الهوى ما به عدال
هو خلي وأنا قلبي عليل

وكل ما قلت له يا ابن الحلال
المحبة عطا وانت بخيل

التفت لي وهو عجل وقال
لذة الحب في الشي القليل






لــــ / والله مدري يابدر بن عبد المحسن أو خالد الفيصل

القصيدة للامير والشاعر/بدر بن عبدالمحسن. ومشكوره اختي ارجوان على الذائقه الرفيعه وعلى النقل.الف شكر

تسلمين اختي ارجوان على النقل قصيده جميله وتقبلي مروري

تسلم أخوي أبو راكان الله يعافيك ، ،

ومشكووور ع اعطاءنا اسم الشاعر الأكيد ، ،

الله يسلمك أخوي امير الروح . .

اسعدني تواجدك . .

يعطيك العافيه اختي ارجوان على النقل المميز من تميزك يالغاليه

دمتي عطاء للمنتدى

الله يعافيك أخوي فهد . .

لا هنت ع المرور .

كل ما أقفيت ناداني تعال
وكل ما أقبلت عزّم بالرحيل
يعطيك العافيه اختي ارجوان على النقل المميز من تميزك يالغاليه
تحياتي

الله يعافيك أخوي عيد "

ولاهنت ع المرور "

صح لسان الشاعر والأمير بدر بن عبدالمحسن وهي واضحة انها ليست للشاعر الكبير الأمير خالد الفيصل فالطواريق تختلف تماماً..

ولا هنتي اختي أرجوان على النقل