سلامة الامير محمد بن نايف

الحمد لله عد ما غرد الطير = وعداد ما هلت مزون السحابه

سلم لنا اميرٍ يقود الطوابير = محمد الي كل الاعداء تهابه

الي بوقفاته مميز عن الغير = وفعله مابين الناس كل ٍدرا به

رفع مقام الامن من دون تقصير = وضحّـــا بنفسه في نهار الحرابه

يوم انها صارت عصابه وتفجير = في حكمته شتت جموع العصابه

وقف لهم وقفة شجاعه وتفكير = وقفة شجاع ٍما يحسّــــب حسابه

ولا هي غريبه منه نسل المناعير = هذا ولد نايف حفيد الذيابه

والا خفافيش الظلام المثابير = الي بلاد الامن تجلب خرابه

بامر الله المولى ووقفتك يامير = الكل منهم يشتكي من صوابه

الشله الي فكرهم صار تدمير = سفك الدماء قدامهم لا غرابه

غروهم الي ياكلون الخنازير = وافكارهم في كل حاجه تشابه

وش ذنب مسكينٍ دموعه شخاتير = بالغدر راح ابوه واقفت ركابه

والا بلدنا ديرة الامن والخير = ماهو مزعزعها أزيز الذبابه

من دونها حدب السيوف البواتير = وحكامها ال سعود عز ومهابه

ومواطنيها كلبوهم مناعير = دون الوطن درعٍ قوي يلتجاء به

الله0 ثم الدين0 والدار0لاغير = وولاة الامر الي تروض صعابه

يعيش عبد الله زبون المخاسير = مابه سعودي ٍ بطل ما اعتزا به

وسلطان لا صارت ورود ومصادير = السيف دايم يمسكه من نصابه

ونايف وزير الامن والصاير يصير = للسلم سلم وللحرابه حرابه

الله يكافيهم سهوم المقادير = يالله عساها دعوة ٍمستجابه

قلته وانا شاعر سعودي من مطير = والموت من دون الوطن ياهلابه

عبدالرحمن بن غلاب

ان شاء الله من ابداع الى ابداع و صح لسانك يابو عيسى وبيض الله وجهك والحمدالله على سلامه الامير محمد بن نايف

ابداع يابو عيسى ليسى مستغرب من شاعر بحجم

ابو عيسى والله يحفض ولاة الامر ويعطيك العافيه

الله0 ثم الديـن0 والدار0لاغيـر=وولاة الامر الي تروض صعابـه

روعه ...رائعه جداً يا أبو عيسى


الله

ثم الدين

ثم الوطن

ثم المليك

شاعر جزل ولا تلفظ إلا الجزاله من الشعر يا أبو عيسى

صح لسانك يابوعيسى
شاعر مبدع والله

صح لسانك أبوعيسى ,,, وعلا شانك,,
قصيده رآآآئــــــــــــعة ,,, من فكر يقدح روس القصيد والله

قلته وانا شاعر سعودي من مطير
والموت من دون الوطن ياهلابـه

صح لسانك يابن غلاب بيضتها الله يبيض وجهك دنيا واخره
صح لسانك صح لسانك ملايين
تقبل مروري واحترامي

المشاركة الأصلية كتبت بواسطة عز الخوي

ان شاء الله من ابداع الى ابداع و صح لسانك يابو عيسى وبيض الله وجهك والحمدالله على سلامه الامير محمد بن نايف

عز الخوي اشكرك على المرور

المشاركة الأصلية كتبت بواسطة علي حميدان الدجيما

ابداع يابو عيسى ليسى مستغرب من شاعر بحجم

ابو عيسى والله يحفض ولاة الامر ويعطيك العافيه

اسعدني مرورك يابو حسين

المشاركة الأصلية كتبت بواسطة أبن مصاول

الله0 ثم الديـن0 والدار0لاغيـر=وولاة الامر الي تروض صعابـه

روعه ...رائعه جداً يا أبو عيسى


الله

ثم الدين

ثم الوطن

ثم المليك

شاعر جزل ولا تلفظ إلا الجزاله من الشعر يا أبو عيسى

اسعدني مرورك يابو ضيف الله