اول جديد/ سلمان فيصل الميزاني محاوره مع الشاعر ملفي جفين

خل القراده يابن فيصل ترى منته بمقرود = قدام لا نسقيك من سم داب وسم حيه
انته ونعم وارث(ن) شعرك الطيب من العود = اللهِ يرحم والدك وانته يخليك ليـّـه

مبدعين شعارنا ابوتركي وابو فيصل .محاوره من احلا المحاورات.سلمتم والله لا يهينكم.

خل القراده يابن فيصل ترى منته بمقـرود
قدام لا نسقيك مـن سـم داب وسـم حيـه
انته ونعم وارث(ن) شعرك الطيب من العود
اللهِ يرحـم والـدك وانتـه يخليـك لـيّـه

ابداع صراحه

<< متابعه ^_^
شويهينه لاتنامين تراي اشوفك تنعسين ^_^

بيض الله وجهك يابو تركي وماقصرت

ويعطيكم العافيه جميعا على الحضور

استودعكم الله ولنا لقاء قريب ان شاء الله .

ووجهك يابو فيصل ، ماقصرت انت شرفتنا بحضورك

ويعطيكم العافيه يالاعضاء والمشرفين ماقصرتم .

تسلم شاعرنا سلمان وشاعرنا ملفي . . ماقصرتوا الله يعطيكم العافية . .


والله فرحنا بتواجدك أخوي سلمان معنا الليلة وأمتعتنا بهالمحاورة الجميلة والرائعة . . ولانستغرب هالشي منك . . فأنت مبدع في جميع حالاتك . .


بحفظ الله ورعايته . . ولا تحرمنا جديدك . .

بيض الله وجيهك شعرانا المبدعين وصح الله السنتكم محاوره من اجمل المحاورات

الف شكر لكم جميعاً وبنتظار ابداعاتكم

سلمان فيصل

قالت هواجيسي بعد طولت هجران وصـدود=سـلام رده ريحهـا ريـح عـود وشاذليـه
الحمل يابن جفين من فوق ظهر شعيل مشدود=وشعيل مأمور ومنهي مـع الأرض الخليـه

ملفي جفين

أنت معك معنى ونيه ولي نيـه ومقصـود=يامرحبـا ترحيبتـن وافيـه ميـه بـميـه
شعيل ياسلمـان مايلحقـه شكـه ومنقـود=يسرح ويمرح يابيض الوجه في نجد العذيه

سلمان فيصل

انا معي معنى لكن انتبه للبيـض والسـود=اشاعر اللي ودي انشده عـن ذيـه وذيـه
الي يشيل البندق الي بلا صفـره وعبـرود=كنه حدا نفسه على الموت من حوض المنيه

ملفي جفين

منته بظالم واكثر اللي يقال سهود ومهود=وانته ماشاء الله تنطح القوم وعزومك قويه
انته تتل الحبل ياصاحبي والحبل مشـدود=والراعي المصلاح عينه على كل الرعيه

سلمان فيصل

ماهي سهود الا سحابه ومعها برق ورعود=مسّك بردها وأصبر شوي وتصيرالضحيه
انته قوي الباس لامنها هبـت لـك النـود=وان جاك شعف السيل ماعاد في عينك بليه

ملفي جفين

بعض المخايل من مطرها ترى مايثمر العود=وقتن تغير فيـه حتـى الريـاح الموسميـه
انا قوي الباس دايم واعرف النقص والـزود=وان ضاع لي ورى الرياجيل حق اشره عليه

سلمان فيصل

اثرك تبغى العود يطلع وينبـت فيـه عنقـود=سلمت مره واربـع امـرار قاضبتـك يديـه
ما الله خلفلك يابيض الوجه في طرقتك مجهود=هـذي سـواة اللـي يـزل العلـوم الأوليـه

ملفي جفين

خل القراده يابن فيصل ترى منته بمقـرود=قدام لا نسقيك مـن سـم داب وسـم حيـه
انته ونعم وارث(ن) شعرك الطيب من العود=اللهِ يرحـم والـدك وانتـه يخليـك لـيّـه

بيض الله وجيهك شعرانا المبدعين وصح الله السنتكم محاوره من اجمل المحاورات
الف شكر لكم جميعاً وبنتظار ابداعاتكم

صحت السنت الشعار

وتشكر يبن مشدد على التنسيق