في مجلسه صفر الدلال المباهير=وفي مدهله سعد الكفوف المحناه
كُتب : [ 18 - 03 - 10
- 03:16 PM ]
يا مطير ربعي والفخر كله مطير=رجال يوم الضيق بالمال والجاه
أهل الشيم أهل الكرم والمغاتير=الضيف لا جاهم على الطيب مركاه
يحق لي أفخر بهم يا أهل الخير=وحمر النواظر كل واحد له اسماه
الصارم الفارس زبون المخاسير=ذاك الكريم الشهم يا طيب ملقاه
في مجلسه صفر الدلال المباهير=وفي مدهله سعد الكفوف المحناه
يا عزوتي يا مطير كلي تباشير=والخير منكم يأهل الطيب ملفاه
يشهد علي الله وإنا عزوة مطير=أمشي على ديني و لا خنت مبداه
ما هي بنا اللي تحني الراس للغير=ولا هي بنا اللي تتبع الذنب بخطاه
بنت الرجال أخت الرجال المناعير=أمشي بدرب الزين والشين ما اطاه
ما همني حكي الضعوف المعاثير=اللي مجالس هم بها الغبن تلقاه
أفخر بذوي عبيدان ربعن مساطير=وابن اللويحق شيخ للعز مرقاه
يا لايمي في مطير جعل المقادير=ترميه في درب السباع وتعشاه
التعديل الأخير تم بواسطة عز الخوي ; 18 - 03 - 10 الساعة 05:23 PM