طاروق يسوى مية طاروق

اليكم هذا الطاروق الرائع بين عمالقة شعر المحاوره

عبدالله الميزاني وحبيب العازمي

عبدالله الميزاني يا سلام الله سلام ٍ رحمته تسبر عذابه عند ابو راكان والروقه حسبها من نسبها ياحبيب كان ما انك ذيب تاكلك الذيابه والغريب اللي تبى تسرق عرب ماهم عربها حبيب العازمي مرحبا ترحيب تاخذ حيته من سم دابه وانت تاطا راسها والا تبى تاطا ذنبها تدري اني ذيب يفرس فالخطر ضرسه ونابه الله اكبر يا ذياب ٍ جالها ذيب ٍ سربها عبدالله انت مع روس الجمال تهيم مع روس الشعابه ماهرجنا في عيال الناس لين الله نكبها كل عداد النجوم يضيع ما يصدق حسابه النفوس اللي منيتها تناشد عن سببها حبيب انت يا قيس الملوح ما تحب الا الربابه لو تربي لحيتك شهرين ما ينبت شنبها عمك اللي ضيع الخنجر لقاها في زهابه والعباه اللي لبسها عقب ما صلى قلبها عبدالله ادري انك تابعي ما انته على عهد الصحابه لا تغازل بنت ابو زيد الهلالي وتخطبها ما نذم اصحابنا واليا مدحناهم عيابه والرضا فوجيه روق اصحابنا كنه غضبها حبيب ادري انك خنذفي ما انته مشبّب من شبابه لو لقيت الجاريه معها ذهب تسرق ذهبها وجهه عبدالله على يوم المصايب يندعى به ان حلبها ما ركبها وان ركبها ما حلبها عبدالله عام الاول جار بن كلاّب ما تنبح كلابه بس هاذا العام صيده جالها الطير ونهبها ان لقيتك فالدفينه ما لقيتك فالغرابه ياحبيب يا مدور شرها تتستحبها حبيب عام الاول جار بن كلاّب عدا عن جنابه والسنه هاذي لو كلابك تنابح ما اغتربها ان لقيتك يم ثرب وان لقيتك مع غرابه خابر ٍ انك ما تطوّل محتلبها محتلبها عبدالله تحسب ان اللي يشب النار ما تحرق ثيابه انشد القرقاح والا زيد وين رماح وابها ما نشوف الا حماَر وجيه وجباهن تشابه بس كيف نداوي الجربا اليا عطعط جربها حبيب الغشيم اللي يسيل السيل حدره ما درى به لا يقول النار عقب النار ما تاكل حطبها انشد اللي سل سيفه ثم سلمكم نصابه عقب قص عظامها والثانيه قطّع عصبها عبدالله ارفعوها يا حزابه واشعلوها يا حزابه والغشيم يجاوب الونه ودلوه ما جذبها من يجنب سلم ابوك وسلم جدك وش تبا به والجنود اللي تليمّها يشت الله شعبها حبيب اربعه والرابع انته وانت زيزوم العصابه كل ما شبيتها بالسو طفا الله لهبها خابرين الشمس تسوى الظل فالبيت الخرابه ياصحيب الكاهنه خل اليهودي يغتصبها عبدالله انت تحفر قبر مدري ويش تبغى من ترابه ودها يالعازمي ساعه على شاني وجبها الله الله كم عتيبي شاله السيل وغدابه غارسين النخله اللي جذعها اصغر من رطبها حبيب ادري ان القبر قبرك بس احفره بالنيابه لاتشوف الدم في ساقك وتسكت وتعصبها خيرة الله يالمطيري لا توصلها عتابه ثم اعلمك بعلوم ٍ تعترض لك وتعقبها عبدالله عازمي ٍ لابس ٍ له كاب ما عقل ركابه والعيون اللي ترف ارموشها اطول من هدبها ما علينا من صحيب ٍ برطمه يضحك بنابه وانت دولتنا السعوديه وريس منتخبها حبيب عازمي ٍ خاله امطاري واكيد العرق اصابه بارك الله في خوالي جعلها تقضي طلبها راعي الحربه مسويها ولا لحق الحرابه محتزم بالسبته اللي كل ما تومي كربها عبدالله مايصيب الا المصيب الا الصبا غير الصبابه والعوازم لو تخيم فالقصب تفني قصبها يا حبيب راس تفسير السوال من الاجابه والعوازم شهب قدام الغضيب اللي شهبها حبيب العوازم في ديرها والمطيري ما تهابه وانت بن صلال جعل الله يصلك مع عتبها

لاهنت اخوي الشاهوق على نقل هذه المحاوره الرائعه

لاهنت يالشاهوق أنشهد أنه طارق ناري

وعبد الله وحبيب كلهم شعراء وأناأتمنى المحاورات اللتي تجمع الاثنين

وياليت لو يسون ثنائي هالسنه

ولكم ودي وأحترامي

وعليكم السلام ورحمة الله وبركاته



عبدالله

مايصيب الا المصيب الا الصبا غير الصبابه
والعوازم لو تخيم فالقصب تفني قصبها
يا حبيب راس تفسير السوال من الاجابه
والعوازم شهب قدام الغضيب اللي شهبها

,,, بارك الله فيك يالشاهوق

واسرف عبدالله فالعازمي لين انهاه

وحبيب عزالله يرعى من يوم عرفناه لكن لقاء من يطبله


عاش شاعر خندف عبدالله الميزاني

تحياتي

محاوره اكثر من رائعه تجمع بين شاعرين لهم قيمتهم في الجزيره العربيه ويعطيك العافيه أخوي الشاهوق على هذا النقل الجميل

يعطيك العافيه على المحاوره القويه0

يعطيك الله الف عافيه على النقل الرائع

طواااريق رائعه ومن اجمل المحاورات الشعريه
اتمنى ان نسمع نقل جميل
الشاهوق شـكــ وبارك الله فيك ـــرا لك ... لك مني أجمل تحية .
تقبل مروري

الف شكر لكل من تكرم بالمرور من هنا

والاخ سمهر الهذلي بعض الكلام ماله داعي .لاينقص من احد ولا يزيد احد .

طاروق رائع , جمع الشعر من اطرافه وكان رغم معناه القبلي مجال خصب لإثبات الشاعرية الفذة بين شاعرين من أكبر رموز شعر الرد ويسجل أسمهما بمداد من ذهب .

الشعراء يأتون بشعر وأفكار وليد فكرهم المتوقد , ولايأتون لمعانيهم الا من باب خاص بهم , يفتح طاقة الشعر والخيال الى أقصى مداه .


يقول سوار الذهب :

ما نذم اصحابنا واليا مدحناهم عيابه = والرضا فوجيه روق اصحابنا كنه غضبها




ولله دره على ماقال من شعر .


وجميع المحاورة تستحق التوقف وكل بيت منها له رونق وقوة وجزالة شعرية .