تراي جيتك يالعقيلي في مكانك لاتغيب

الظاهر انك شاعرٍ مامر بك وقتٍ عصيب=ولاذقت ويلات الليالي مرها وحلتيتها
وفي وسط ربعك صرت في لمحة بصر مثل الغريب=ولو دريت ان الاوادم صم ماخاويتها

ترا الرغا بعد الهدير الله يبارك فيك عيب=وانت القديمي بعد ماحديتها رديتها
وشلون تذن وانت ماحصلت للمسجد خطيب=عزالله انك في هذيه ذمتك مبريتها

تر المنادي لارفع صوته ولاله من مجيب=يبا يسويها كذا مثلي كما سويتها
سندتها على جبل ثم حط له دوني صحيب=وكلن يشير ام الكباير لين هدو بيتها

اسف على الدخول المتاخر
وكفو اخواني الشاعرين
عبدالرحمن العقيلي
وعلي الدجيما
والليل يالصفوف

اما تصلح غلطتك ولايبا راسك يشيب=وتعود الدعوا على راسك بعد ضويتها
تبا توقع فاللحم ولا توقع فالصليب=اليا ضبطنا عقرب الساعه على توقيتها

ماعليك زود ولد الدويله والله يحييك متى ماجيت وجودك يشرف

ابشر بعزك ياعلي بكره قبل شمس المغيب=انا ليامني وردت مع الجمال ارويتها
نروى الجمال ونروى العطشان ونحب اللبيب=اقول وافعل واروي سيوفي ليا سليتها

صح لسانك اخوي علي

وصح لسانك اخوي عبد الرحمن

والله يعطيكم العافيه

الله عليكم مبدعين شعراءنا

انا ادري انك شاعرآ وافي ومع ذالك اديب=ومع الاسف يابو حمد خميتها وخطيتها
منته مشبب لو قالوا لك مشبب ياشبيب=ولعت نارك في طرف ثوبك ولا طفيتها