|
||||||
|
||||||
|
||||||
|
 |
 |
 « آخـــر الـــمـــشـــاركــــات » |
|
|||||||
| قسم القصة والقصيدة يعنى بالقصص المدعومة بالشواهد الشعرية. |
 |
| انشر الموضوع |
|
|
أدوات الموضوع |
 غير متواجد حالياً
|
رقم المشاركة : ( 1 ) | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
قصة الحربي ورفيقه الشيخ هاجد بن ظمنه
كُتب : [ 02 - 10 - 07
- 05:31 PM ]
كان محمد بن دهيليس الفريدي خواله بني عمر من حرب في زياره لخواله ويم جلس عندهم كم يوم سأل وقال كم تبعد ديار مطير قالو ماهي بعيدة عنا مسافة يوم او يومين على الذلول قال : الشيخ هاجد بن ظمنة سمعتو فيه قالو نعم الشيخ هاجد بن ظمنة مع ربعه على العد الفلاني وسمو له المارد اللي هو عليه قال : ياخوالي هاجد بيني وبينه رفقة ونا يوم جابني الله عندكم قريب منه ابزوره . اخذ مزهبه على ذلوله وتوجه . يوم جاء ديرة الشيخ هاجد ولمجلسه مليان نزلو الشداد من الذلول وودو الذلول مع البل وصلحو القهوة ويرحبون فيه ويهلون ويصلحون العشاء يقول يوم قدمو العشاء ليا العشاء ملط (( ملط تعني العشاء اللي ماتحته الا مرقته )) لاتحته عيش ولا بر . حلبو من البل على وقتها ووزعوها بالتساوي على الضيوف . وكان ذاك الوقت وقت جوع . يقول تعشينا وعينا من الله خير وشالو الصحن ويقول ليا بيت الشيخ هاجد بن ظمنه ماهو خلي من الفداوة ومدور الحاجة يقول يوم شالو صحنهم اللي سرى سرى واللي نام نام ويقول جلست انا ويا معزبي الشيخ هاجد نسولف من وين ياهاجد ومن وين هاجد نسترسل بسوالف لنا مدة ماتواجهنا . يقول يوم انتصف الليل وحنا مسترسلين بالسوالف وليا اهل الركايب ينوخون يالله حيهم يالله حيهم ويشبون النار الرياجيل صحو الفداوية اللي عند النار ويوم صحتهم شبت النار وتصليح القهوة وصلحو عشاهم ويوم جابو عشاهم لاهو مثل الذبيحة اللي قبلها ويقومون الضيوف الأخيرين والفداوية قال هاجد يامحمد قم تعش مع ربعك قال : متعشي ولالي طلب قال يامحمد قم تعش قال: متعشي ولالي طلب قال وما كثر علي اكثر من مرتين يقول ويتعشون الضيوف حتى يكسرون العضام على حافة الصينية من الجوع ويقول ويشيلون صحنهم واللي سرى سرى واللي نام نام ويقول ويجي هاجد بيكمل السالفة اللي قطعوها اهل الركايب وانا مشتاق لسوالفه مير نجمة الصبح طلعه ومابقى على صلاة الفجر غير ساعة وانا ادري لو واصل الشيخ لصلاة الفجر ماعاد نام ويقول انا اوي لهاجد بن ظمنه لأنه رجال عليه ربع يجتمعون عنده وعليه واطي يقول ماويتله قلت : ياهاجد نجمة الصبح طلعة وصلاة الفجر مابقى عليها غير ساعة وانا مارقدت قال: انا اسهرتك يامحمد قلت: نعم اسهرتني ويقول انا ودي بسوالف ولاملها مير واويتله قال : اجل خلاص ويقوم ويحط فراشي ويحطه على القاطع اللي يفصل بين قسم الرجال وقسم الحريم يقول واحط راسي ويروح الشيخ يم زوجته ويصحيها قال فلانة قالت نعم قال هو فيه عشاء . قالت ياهاجد قال نعم قالت ياهاجد قال نعم والله ماذقت حلا الاولة ولاالتالية بقيتلي مرقه فيها فرسن وجاني ولد فلانه وقال تسلم امي عليك وتقول ولاتنسونا وعطيتهيه قال : بن دهيليس يوم شوك شعر راسي ذابحين ثنتين من غنمهم ومعشين ضيوفهم وتقول زوجته ماذقت طعم الحلا لا الاوله ولاالتاليه والرجال يسأل بها الوقت ماسال الا من جوع والمرة تقول ماذقت طعم الحلا لاالاوله ولاتاليه ويقول : ليا معي بمزهبي تمر واجيبه وانا اكزه من تحت الذرى قال هاجد : محمد قلت نعم . قال: انت توحينا . قلت يوحيك الله قال: الستر يامحمد الستر يامحمد قلت : ياخو ريا علامك تغني بهالركبان ذابح ذبيحتين ومعشي ضيوفك بليلتن وحدة ولاانت تعشيت ولا زوجتك تعشت قصة للراوي // منيف الشويب
|
|
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
