السلام عليكم ورحمة الله وبركاته "
صبـــــــــــــاح // مســـــــــــاء الخيراااااات على الجميع ..
هذي وصفات تسمن الجسم مجربة ومضمونة للناس النحيفين مرة ..
طبعا تسمن سمنة زينة يعني تشد الجسم وتزيد الوزن ولا تسبب ترهلات ..
نبدأ بسم الله "
* جيبوا أملج من عند العطار ونقوه من الشوائب وغسلوه بعد ما ينشف دقوه بالنجر لأنه قوي بعدين اطحنوه بالطاحونه وأكلوا منه ملعقة صغيرة مرتين باليوم قبل الغداء والعشاء .. إما تبلعونه كذا وتشربون بعده ماء أو تخلطونه مع زبادي أو تحطون منه ملعقة في كاس وتصبون عليه مويه مغليه وتغطونه عشر دقايق بعدين تصفونه وتشربونه .. طبعا الأملج يعطي نشاط للجسم لو تشتغلون أربعة وعشرين ساعة ماراح تحسون بتعب .
استمروا عليه حوالي شهر وراح تلاحظون الفرق أو إذا شفتوا جسمكم صار زين وقفوه .
* التين المجفف نقعوا منه حبتين في كاس مويه دافية أو حليب دافي ليلة كاملة أو ساعتين بعدين اشربوه وأكلوا التين .
* اكلوا التمر مع الطحينة السايلة مع قهوة الصبح والمغرب سبع تمرات ..
* المكسرات ( جوز ,لوز , فستق , فول سوداني ,كاجو ) اكلوا تقريبا ملئ راحة اليد في اليوم .
* كثروا من أكل العنب أو عصيره .. واكلوا ثلاث موزات باليوم .
* الحلبة المغلية وعشان ما يصير لها ريحة حمصوها قبل تتطبخونها أو حطوا معها نعناع.
* الماش زي العدس بس لونه أخضر اطحنوه وحطوا ملعقة صغيرة منه في كاس حليب واشربوه . أو حطوه في شوربة مرتين في اليوم.
* ملعقة عسل تذوب في كاس مويه على الريق .
* موزة وحليب وملعقة عسل اخلطوهن بالخلاط واشربوهن ثلاث مرات في اليوم .
* حليب مغلي تذوب فيه ملعقتين كاكاو بودرة وتحلونه بالسكر .
استمروا عليهن وإن شاء الله تستفيدون ..
واللي يجرب وتبان النتجية معه يبشرنا ..
« آخـــر الـــمـــشـــاركــــات »
غير متواجد حالياً
~ للنحيفين فقط ~
