شاعر سبيعي .. و البكاء على الأطلال !!!

شاعر سبيعي .. و البكاء على الأطلال !!!

السلام عليكم ورحمة الله وبركاته

الشاعر علي بن قعود من القمصة من سبعة عنزة

ذهب الى سوريا قبل اربع سنوات ..
وقد رحل منها منذ اكثر من اربعين عام ..
وعندما شاهد ديار السبعة هناك ..
من وادي المياه الى سلاحيب الى جبل بربر وقديم والعلقانه
ووادي العزيب والحماد السوري وبادية الشام وغيرها
فتذكر زمان كانوا هناك .. القصيدة اكثر من الكلمات
ستعبر عن الزمان الذي كانوا فيه..
فبينما هو يبني رجم ( بكى ) وقال هذه القصيدة:

رقيت رجمٍ مـن طـوال المراقيـب=وشفت الرسوم وشفت دارن خرايب

ولجت ضلوعي بالحشا لجة الذيـب=لجت ولاجـت والتجـت باللزايـب

وقلت السلام ومرحبا والف ترحيب=تحيـة المشتـاق ياصـار غايـب

وهلت دموع العين مثل المزاريـب=هلت دموع العين من غير طايـب

من شوفتي دارن ولوها الاجانيـب=وذكرت ربعٍ تحت عجز النصايـب

يادار علمي بك قبل يطلـع الشيـب=رحنا شباب وجيتك اليـوم شايـب

علمي بشوفك يـوم كنـا معازيـب=واليوم صرنا ضيوف عندك غرايب

وين اهلك يادار حصـن المطاليـب=وين اهلك يادار حصـن الطلايـب

راحوا مع الجناب مثـل الذواهيـب=كل ديرتن يذكر بهـا مـن قرايـب

يادار صيحي وشقي بعالي الجيـب=صيحي وحطي فوق راسك ترايـب

من عقبنا كثرت عليك الخواطيـب=اقفوا هلك يـادار رحتـي نهايـب

صرتي هميلة قيس ونعيم ولهيـب=وصاروا هلك من كل صوبٍ وحايب

مثل الدنوع اللي يخون المعازيـب=ويفرح ليا صارت عليهم مصايـب

حنا هلك يادار مافيـه مـن ريـب=فوق المهار وفوق عوص النجايب

يادار هـذي مراحنـا والملاعيـب=وهاذي مرابـط خيلنـا والركايـب

ياما جيناك من المشاتـي تغاريـب=مثل الجموع اللي تريـد الحرايـب

بين الغراب وبين وادي سلاحيـب=اسلافنـا تثـدا ثقيـل السحـايـب

نشتي على حمدا وخبرا المواهيـب=ياما يـزل شبـاط حلـو الهبايـب

نوبٍ على خرجا ونوبٍ على السيب=بيـن البريـم والولـج والخبايـب

نجيك قلات علـى شمـخ النيـب=يقودنا (راكان) عطـب الضرايـب

ينزل بنا القفر الخلاوي ليـا هيـب=ترعى به العليا علـى كـل طايـب

واليوم صرنا لانهيـب ولاننتهيـب=ياقربنـا مـن لابسـات العصايـب

الله يعز اللـي عطونـا المطاليـب=آل السعـود مطوعيـن الصعايـب

اللي عطونا صافيـات المشاريـب=الله يصلطهـم علـى كـل خايـب

يابعدهـم عـن الرديـات والعيـب=وياقربهم للطيـب عنـد النوايـب

خلو قطيع الضان يسرح مع الذيـب=وخلو صحاري نجد تنبت عجايـب

بايمانهم يازين قضـب المحاديـب=ستر العذارى ناقضـات الذوايـب

لو شافهم حاتم تعذر عـن الطيـب=ولو شافهم عنتر يعيـف الحرايـب

وختامهـا يالله ياعـالـم الغـيـب=عفوك وانا يـارب للذنـب تايـب

قيس ونعيم ولهيب : قبائل في سوريا ويسمونهم السبعه ( الرعيه ) ..

حمدا وخبرا المواهيب وخرجا وادي سلاحيب ووادي الامياه والولج وجبل الغراب والبريم والسيب والخبايب
اسماء الديار هناك ..

منقوووووووووول

الله قصيدة جزله ذهبت بمخيلتي إلى الماضي
صح لسان الشاعر علي بن قعود السبيعي
والله لا يهينك يا الغالي

شـكــ وبارك الله فيك ـــرا لك ... لك مني أجمل تحية . والله يعطيك العافيــــــــه

يعطيك العافيه

يعطيكـ ألف عااااااااااااااااافيهـ ع النقل الرائعـ

اخوي شاعر الاحساس ولا هنت