يا سخيف الذرعان مانيب مرجوج

هذي قصيده للشاعر بندر بن سرور
والتي بسببها سجن في السجن السياسي
وبعدها خرج وهو مختل عقليا

القصيده:ماني وانا بندر


يالله ياجـال الامـور المهـمـه
تجلا وهج قلب برا حال راعيـه
البر دجته والبحـر رحـت يمـه
يقطعك ياحظ علـى الله مساعيـه
يوم ان ولد اللاش رزقه على امه
رزقي على اللي ميت القشع يحييه
يامل قلـب كـل مامـات همـه
دارت دواليب الدهر ليـن تحييـه
فراق شمـل النـاس عيـا يلمـه
وقت يشيب الراس من شاية فيـه
احد ينـام وحـاط راسـه بكمـه
واحد تخم النوم عينـه وتخطيـه
واحد يحاول بالردى بنـت عمـه
واحد يحاول ستر عذرى عوانيـه
مانـي وانـا بنـدر ببيـاع دمـه
يقطعـك يابيـاع دمـه ومهفيـه
اللـي يبيـع لابسـات الازمــه
ثور يبابيـض الرعابيـب تغنيـه
يزعل ليا جت ليلة الـدور يمـه
يرضى بسوق المال فخوه وفابيـه
خطو البخيل اللـي يكبـر معمـه
يقرا الكتاب وواجـب الله يخليـه
إمر هرج لك فـي رفيقـه بنمـه
والا عطا وامـه تضيـع هقاويـه
أنشدك ياللي كـل فـرض تتمـه
تقرا الكتاب وكل فرض تصليـه
ويش القليب اللي غميـق مجمـه
مافاد غرسه ماه وعطشى سوانيه
تخالـف الانظـار شـرق ويمـه
وكل هدف رآيه من الناس مرضيه
سم السبب ياعارف عنـه سمعـه
سم السبب ياعارفه قبـل اسميـه

:
:
:
وبعد هذي القصيده سجن بندر وخرج من السجن مختل العقل او كما يقال له بين ابناء عمومته مرجوج
وذهب في يوم عندي شيخ قبيلتهم وطرق الباب وردة ابنت الشيخ وسئلها عن اباها
فذهبت تنادي ابها بصوت عالي وتقول : يبه المرجوج عند الباب يبيك
فقال هذي القصيده فيها


يا سخيف الذرعان مانيب مرجوج
رجتنـي الدنيـا بغـدر وحيـلـه
يابنت لولا اللي على تاسع الفـوج
تركـت نجـد وعـزوه بالقبيـلـه
لا شك حاديني على نجد هيـدوج
مسقى الفيافي لين يـدرج مسيلـه
تركي لي من البلاوي غدن عـوج
حملـه عتيبـه كلهـا ماتشيـلـه
يرسى كما مينا البواخر على الموج
ومنيـن ماصـك البحـر ترتكيلـه
مادام تركـي حـي مـاودي ادوج
وان غاب غبت من الرجوم الطويله



بعد هذي القصيده يقال ان عقله زاد في اختلاله وبدا ينشد الشعر في اوقات مختلفه وطويله فيما بينها وكانت حكيمه على انها كانت تخرج من فم مجنون
وقد حير الشعراء قوة شعره والحكم اللتي بها خاصة بعد جنونه

منقوووووووول بس عندي سؤال ..؟؟

هل سجنه بسبب القصيده ام لشيئ اخر ؟؟؟

واحد يحاول بالردى بنـت عمـه=واحد يحاول ستر عذرى عوانيـه

يقطعـك يابيـاع دمـه ومهفيـه<<<<يا بايع بدمه (حتى لا يثقل البيت)
اللـي يبيـع لابسـات الازمــه
ثور يبا بيـض الرعابيـب تغنيـه<<<<<هذا دليل على سؤالك هاك اليوم يوم تسأل عن كلمة رعبوب
يزعل ليا جت ليلة الـدور يمـه
يرضى بسوق المال فخوه وفابيـه هذا البيت لم يكن من القصيدة الأساسيه وواضح بان من أظافه جنوبي حيث يقول (فابيه) لأن أهل نجد لا يقولون (أبيه)!!!
خطو البخيل اللـي يكبـر معمـه
يقرا الكتاب وواجـب الله يخليـه
إمر هرج لك فـي رفيقـه بنمـه<<<<أما هرج
والا عطا وامـه تضيـع هقاويـه
أنشدك ياللي كـل فـرض تتمـه
تقرا الكتاب وكل فرض تصليـه
ويش القليب اللي غميـق مجمـه
مافاد غرسه ماه (و)عطشى سوانيه<<<<بدون حرف (و)


حياك الله اخوي راس الضلع اما بالنسبة لسجن أبن سرور فقد سجن عدة مرات ولكن أقوى ما قاله هو بيته الذي يقول فيه: شيوخ نجد اللي تهز الطوابير****ينثر لها حب سوات الدجاجي


القصيدة التي أوردتها واللي تقول:

يا سخيف الذرعان مانيب مرجوج<<<<<وقيل يا سهيف
رجتنـي الدنيـا بغـدر وحيـلـه
يابنت لولا اللي على تاسع الفـوج<<<<والله يلولا اللي على تاسع الفوج
تركـت نجـد وعـزوه بالقبيـلـه
لا شك حاديني على نجد هيـدوج
مسقى الفيافي لين يـدرج مسيلـه
تركي لي من البلاوي غدن عـوج<<<<تركي اليا من الليالي غدن عوج....فكيف تكون البلاوي عوج؟؟؟؟؟
حملـه عتيبـه كلهـا ماتشيـلـه
يرسى كما مينا البواخر على الموج<<<<يرسي كما ترسي البواخر على الموج.. هذا هو الصحيح...فكيف يرسي الميناء؟؟؟؟ وقيل أيضاً(يرسي كما ترسي السفينه على الموج)
ومنيـن ماصـك البحـر ترتكيلـه
مادام تركـي حـي مـاودي ادوج
وان غاب غبت من الرجوم الطويله

ثم يقول بعد هذه الأبيات:

أنشدك ياللي كل فرض تتمـه = تقرا الكتاب وكل فـــرض تصليـــــــه
ويش القليب اللي غميق مجمـه = مافاد غرسه ماه عطشى سوانيــه
تخالف الانظار شرق ويمــــــه = وكل هدف رآيه من الناس مرضيـــــه
سم السبب ياعارف عنه سمعه =سم السبب ياعارفه قبل اسميــــــه

طبعاً القصيدة اعلاه توضح رؤية الشاعر ونحن غير ملزمين بما جاء في ثناياها لأنها تعبر عن
الشاعر شخصياً

يقال ان بندر هرب او هُّرب الى الكويت بعدها ..وكان يسجن بأسباب تهريبه للتنباك <<<التبغ لأنه كان ممنوع دخوله للبلاد

وقد ذهب الى الإمارات ومتدح الشيخ زايد بن نهيان رحمة الله عليه وهو يستاهل المدح بهذه القصيده:

بـديت بإسـم اللي بسـط سبع باوتاد=واللي رفع سبعا بــلـيـا عـمـــدها
تــذكار لــلـي صار غـيـثـا لـلـجـواد=لاقــبلها صارت ولا من بعــدها
زايـد على كـــــل العرب بالوفاء زاد= سـاق المراجل لـيـن وقـف عددها
حـلحـيل حلوٍ مــر زراع حـــصــاد= كــبـدٍ يـداويـها وكــبــدٍ لـــــهـدها
حتى العــجوز الــلي ورا شط بغـداد= سمت على الشيب الفلاحي ولـدها
تــبــغــاه يــطلع مــثل زايــد ولافــاد=ولاكل من هاز الطويله صعـــدها
يــاشــيخ انا جيتك على غير ميعــاد=من خوف روحي لايجيها وعدها

بندر بن سرور شاعر فحل وكل قصائده قوية وجزلة وكان له البيت الشهير الذي يستشهد به أبن عثيمين الذي يقول:

خطو البخيل اللـي يكبـر معمـه=يقرا الكتاب وواجـب الله يخليـه

وقيل (يقرا الكتاب وفرض ربه مخليه)



أبن مصاول

اخوي ابن مصاول انا اسمع عن هذه القصيده بس ماني حافظها

ووجدتها عاد غلطاتها ماعندي فكره عنها

وقد ذيلتها بــــ


منقوووووووول بس عندي سؤال ..؟؟

هل سجنه بسبب القصيده ام لشيئ اخر ؟؟؟

اللي سمعته ان سبب سجنه كان بسبب قبل هذه القصيده أي قبل قصيدة:

يا سخيف الذرعان مانيب مرجوج
رجتنـي الدنيـا بغـدر وحيـلـه


لأنه ما جاء لتركي إلا لأنه كان مطارد من الدولة بسبب جرم أرتكبه ويريد فزعة تركي ولعله قوله :شيوخ نجد اللي تهز الطوابير****ينثر لها حب سوات الدجاجي

أخوك ابن مصاول

راس الضلع يعطيك العافيه على ادرج لنا هذا الشاعر المعروف ولاهنت وتقبل تحياااتي

يعطيك الف عافية اخوي راس الضلع وابن مصاول جهد رائع منكم

صح لسان الشعر وايضا صح لساانك
يعطيك العافيه تقبل مرورري