قصيدة ترحيبيه لضيف الله بن زراق...شاعر المدالجه

هذه قصيدة ترحيبية قالها الشاعر في إحدى مناسبات الزواج العائليه وتصلح لكل مناسبة زواج وبالإمكان أن يقتطع منها كم بيت للإختصار مع الإشارة للشاعر..

يا مرحبا ياهلا ترحيبتن وافيه=ترحيبة وافيه لأحبابنا الحاضرين
أهلاً بمن زارنا وقلوبنا صافيه=أصفا من اغلى الذهب في معرض البايعين
واحلى من احلى العسل بانواعه الشافيه=ليا جيب من منهله مجلوب للمشترين
ترحيبتن بالجميع نقولها ضافيه=للي حضر حفلنا من ربعنا الطيبين
مبروك يا أهل الفرح بالرد والقافيه=نقول مبروك يا اهل العرس وموفقين
ندعي لهم كلهم بالخير والعافيه=وادعوا لهم مثلنا بالخير يالسامعين
ليا دعيتوا بخير نشوفها كافيه=يرتاح منها الصديق وتِزعل الحاسدين
يا دار نورت ما بك شمعة طافيه=بوجود من فيك قبل وحضرة القادمين
الله يديم السرور أفراد وأردافيه=ويتم الأفراح لأهل العرس والمسلمين

شعر شاعر المدالجه : ضيف الله بن زراق بن مدلج الميزاني


أبن مصاول

	يـا مرحبـا ياهـلا ترحيبتـن وافـيـه ترحيبـة وافيـه لأحبابنـا الحاضريـن أهـلاً بمـن زارنـا وقلوبنـا صافـيـه أصفا من اغلى الذهب في معرض البايعين

هذه الابيات انشاء الله ابي احطها في كرت الدعوى >> زواجي انشاء الله الجاي

لله يرحمك ياضيف الله ابن زراق

والله يعطيك العافيه يابوضيف الله علي هذا القصيده ومشكور..

وتقبل مروري..

صح لساانك يبووو ضيف الله
والقصيده الترحيبه قصيده بغاية التراحب والبهجه والسرور

يعطيك العااافيه

مشكور اخوي ابن مصاول

المشاركة الأصلية كتبت بواسطة راس الضلع

هذه الابيات انشاء الله ابي احطها في كرت الدعوى >> زواجي انشاء الله الجاي

على بركة الله يا أبو أحمد وانتم السابقون ونحن الاحقون ..ولا تنسى تعزمنا.... قرار قوي

المشاركة الأصلية كتبت بواسطة أبــــن غابــــش

لله يرحمك ياضيف الله ابن زراق

والله يعطيك العافيه يابوضيف الله علي هذا القصيده ومشكور..

وتقبل مروري..

رحم الله اموات المسلمين وأشكرك على مرورك أخوي أبن غابش ....ولا شكر على واجب

المشاركة الأصلية كتبت بواسطة شديد الميزاني

صح لساانك يبووو ضيف الله
والقصيده الترحيبه قصيده بغاية التراحب والبهجه والسرور

يعطيك العااافيه

صح بدنك أخوي شديد وصح لسان الشاعر الكبير ضيف الله بن زراق بن مدلج كما أشكرك للمرور والتعليق

المشاركة الأصلية كتبت بواسطة وائل الميزاني

مشكور اخوي ابن مصاول

لا شكر على واجب اخوي وائل...