انا الليلة مكلف بين نثر الدم والسكين ( سوار الذهب وفهد العازمي )
كُتب : [ 05 - 06 - 10
- 01:20 PM ]
هذه الحفلة حصلت قبل سنوات , وهي ليست من حفلة هذا الاسبوع للمعلومية .
وكانت عند آل جبرين شيوخ بني عبدالله من مطير .
سوار الذهب
ألا يامرحبا باللي حضر في حفل إبن جبرين ***** شيوخ المجد حاضرها بأيام امجاد ماضيها
أنا الليلة مكلف بين نثر الدم والسكين ***** لكن شيوخ عبدلّه تراعيني وأراعيها
فهد العازمي
لعلّ إبك البقا يالغالي اللي مثّل الغالين ***** بني عبدّله أنا خالها وأنا بناخيها
مادام إنك مكلّف ياطويل العمر بالأمرين ***** لزوم إنك تروح تجيبها ولا تودّيها
سوار الذهب
من أول مبتلش وش لون أبا القى لي ذهب فالطين ***** بني عبدلّه إنته فرع منها يامراعيها
زمانك ياصلاح الدين في هزم الصليبيين ***** تذكّرني علومٍ عام الأول كنت ناسيها
فهد العازمي
أنا خابرك ماتبلش تشوف الدرب شوف العين ***** تصرّف بالمهمة يالمطيري وأنت قانيها
صلاح الدين عهده بعد عيسى والحواريين ***** هذا جيلٍ يخرّبها هذا جيلٍ يسوّيها
سوار الذهب
أنا أعرف لاعب النادي متى يتعب من التمرين ***** ليا شاف متنّكس راسها من رفع رجليها
يابو ريّان وش رايك نبى سفرة على البحرين ***** ديارٍ حرّها يالعازمي يعني تحرّيها
فهد العازمي
ليا شفت العشا والم غسلت أيدينك الثنتين ***** ولن شفت الصحن فاضي يدينك ماتدانيها
مادام إنك تبى الهجرة ولا تبغى السعوديين ***** تحصلّ ناس جنسيتك تصلح مع جناسيها
سوار الذهب
أنا خابرك شاعر والطبيعة من شعوب الصين ***** بلاك تجيبها بشويش والثنتين توزيها
يقولون العرب تكرم مدينة من كرامة عين ***** عرب مدري حمار وجيهها ولا علابيها
فهد العازمي
حلوق مطير ماتدخل بها العيشة بدون إيدين ***** تمدّ إيدينها لحلوقها ولا مخابيها
لو إنك تعكس الآية عرفت الجن ساكن وين ***** يثور الجن من بعض الأماكن مايدانيها
سوار الذهب
على شان الهوا مافيه شيء أجمل من التضمين ***** ولا يعرف مراقيب الذياب إلا مخاويها
وألا يالعازمي لك حثل وأنته منت ابو حثلين ***** أمانة معك بليال الغداري لاتسرّيها
فهد العازمي
محا سر الحصاه اللي على قبر الشريف حسين ***** وراحت ربعها الأشراف بالحنّات تحنيها
من الأيام ضاق الأخطبوط وصار له قلبين ***** تعميّها القلوب مع الدروب وضاق باقيها
سوار الذهب
وألا يا هضبة الجولان منتي مصدر الجيلين ***** وأثر بعض الرجال كبودها أصغر من كلاويها
يا ماشا الله عليكم شبعة المقفين والجايين ***** وأنا لولا ولولا لأزهم الفزعة بأساميها
فهد العازمي
ترى بعض الهقاوي مثل راس الظبي ابو قرنين ***** ولاتدرج رواية غير منسوبة لراويها
التوقيع
ابن ميزان
التعديل الأخير تم بواسطة سالم رباح ; 12 - 06 - 10 الساعة 07:44 PM
رد: انا الليلة مكلف بين نثر الدم والسكين ( سوار الذهب وفهد العازمي )
كُتب : [ 05 - 06 - 10
- 02:07 PM ]
محاورة في قمة الابداع
مشكور اخوي علي النقل
أن تبوح بسرك لصديقك المقرب وتوصية بأن يسجنه في قفص صدره وتشرح له أهمية المحافظة على الأمانة .. وتنام مطمئناً متخففاً من همك وسرك .. ثم تستيقظ في الصباح على صوت أسرارك ينطلق كالأغنية من أفواه الآخرين
رد: انا الليلة مكلف بين نثر الدم والسكين ( سوار الذهب وفهد العازمي )
كُتب : [ 12 - 06 - 10
- 07:50 PM ]
اشكرك على المرور أخي غريب ديار واشكر لك تعديلك , والعذر لأن المحاورة منقولة من مصدر آخر والعتب على كاتبها , وقد أخذت تعديلاتك بالحسبان بما أنك سمعت المحاورة .