شاعر وشاعره ............جمعهم النصيب

السلام عليكم ورحمة الله وبركاته

شاعر وشاعره جمعهم النصيب وتزوجوا .. وكان بينهم اتفاق تكون ليلة العرس مختلفه وغير تقليديه ، وان كل منهم يقول

ابيات شعر ارتجاليه وقت وجودهم على الكوشه .. وبطريقة المحاوره ..

دخل العريس على عروسه واهي تنتظره على الكوشه .. وبدا ينفذ الاتفاق .. واول شي رحب بالحاضرات وقال :

مرحبــا ضيفاتنا .. فالفـرح نوّر 000 ياهلا ويامسهلا بالحاضراتي

ارقصن غنن ولابي منكن اكثر 000 انفضن سمر الجدايل مايلاتي

الفرح بوجودكن .. يزها ويفخر 000 دامـه الله نعمـةٍ يالغـاليـاتي


وبعد هالابيات .. رحب العريس بعروسه وقال :

الفرح فرحين وانتي الفرح الأكبر .000 ياهلا بك ياعروسي يـا مناتي

قبلة الترحيب ، هاتي الخد الايسر 000 الشنب يخدش خدود موّرداتي

ربي جمّعنا .. وقــول الله أكبـر 000 شاعـرٍ مع شاعـرة باحلى غناتي


وجا دور العروس الشاعره .. وردت على عريسها وقالت :

ياهلا بك واحترم نفسـك تـوّدر 000 وانثبر ساكت ولا تشوف ..البناتـي

فارغٍ قلبك مثـل ذيـبٍ تحدّر 000 يلغف الخرفان في صمت وسكاتي

لا تفكر يعرفن بالشِعْـر الأحمـر 000 ما يبن شعرك .. بنـاتٍ عاقلاتي


ويلتفت العريس على عروسه وابياتها القويه ويرد :

شينها من ليلةٍ يالوجـه الاقشـر 000 اعقلي يابنت .. خوف من الشماتي

اضحكي قدامهن لو ضحكٍ اصفـر 000 ولا تفردّنا .. تشوفي الطايلاتي

وين عقلك بالشعـر .. راح وتنكـر 000 وين كلمة حـب .. ويـن المفـرداتي


فترد عليه العروس :

تحسبن العرس يالانثـى المذكر 000 مثل شعرك هرج .. صف القافيتي

العرس ... تدخل بعالم مثل تِقبـر 000 ما مضى تنساه تحيا كالرفاتي

المْـــرَهْ بالعنـق .. والاولاد تكبر 000 والعوافي تعقبك فـي كـل آتي


العريس شاف السالفه بتخرب من اولها ، وعروسه بدت تشكي من اول ليله .. فحب يسثيرها وقال واهو يوصف البنات

الحاضرات وام العروس :

شوفي اللي لابسه فستـانٍ اخضـر 000 كنهـا لولـب برقـص المبدعاتي

وشوفي امك كنهـا كيـسٍ مخصّّر 000 وفرقـي بيـن العجايـز والبناتي

وشوفي المزيون راع الشعر الاشقر 000 واهني الرجل فـي ريـم الفلاتي


وهنا العروس طقت عروقها .. وشالت الكلافه بينهم .. وردت عليه :

لعنبـو اصـلك تــرى لـو مـا تـدّبـر 000 وتستحي يالشين تقعد في ثباتي

لاصفقك كفين .. اعذر من قد انذر 000 واتركك وحدك وهـج بـلا عباتي

منت رجّـال .. ولـكن ثورٍٍ ازعــر 000 لا حيا .. لا سمت من كل الجهاتي


وتوقف العوس .. وتصيح بعريسها تطلب انه يقوم ويروحون :

هيّا قم .. قامت عصبك ولا تأخـر 000 ناويه أعطيك درسٍ في الصفاتي

ويرد العريس .. يمازح عروسته :

ماني قايم .. روحي لوحدك ولا اكثر 000 خايفٍ منك تجيبي لـي حماتـي


ويقومون الاثنين وينزلون من الكوشه .. والعروس تهمس في اذن عريسها :

شخّص ببشتك وراسك فوق اكثر 000 ودنق عيونك .. ومشيك في ثباتي

وامسك بيدي .. وتبسـم ولا تنثّـر 000 ومن قرب حولك تردد .. "ياحياتي "


فير د العريس بشويش :

من سمع هرجك .. يقول ولا تحذّر 000 ضبي شارد ما خذه ضبٍ نباتي

جعل منتي ذيك اُم الشعر الاشقر 000 لا .. وتتشرط علي وجه الدباتي


وتقفل مع العروس وتشين الاخلاق وتمسك نفسها لين وصلوا غرفة النوم .. ثم قالت :

شف ترى مابي مشاكل أو كدر 000 خلنا نِمْرحْ .. قبل وقت الفواتي

هدني الارهاق ولا احتاج السهر 000 والصبح بدري يهجدوني خواتي


وابو الشباب يرد عليها .. :

مايصير .. اللي تقولي من عذر 000 ما انــام إلا .. بحل الواجباتي!

وش تقول امي .. إذا بان الخبر 000 وش اقول لهم ..تلحفت بعباتي!


والعروس تضيق بهالفسيحه .. وتقول :

لا تطوّلهـا ... وفـكر بـالامـر 000 وش دخلهم .. فــزواج الشاعراتي

وان رفضت ارميك في هذا الممر 000 واقفل الغرفه وطوّل في سباتي


وكما جرت عليه العاده .. يخضع العريس لرغبة عروسه .. ويتلحف ببشته


أبيات جميله وظريفه اعجبتني .. فنقلتها لكم

تحياتي

منقووول

ههههههههههههههه والله منتهين مشكور يالغلا

ههههههههههههههههههههه

قويه وبقوة بعد

ابو العز والذكريات أسعدني تواجدكم ومنورين الصفحه ودووووم هالضحكه ترسم اوجيهكم

الله لايعيده من شعر ههههههههههههه

تسلم والله أخوي نادر ..

ههههههههههههههه امحق شعر


يعطيك الف عافيه اخوي

شلاحيه مطنووخه الله يسلمك من عذابه وأسعدني تواجدكـ في صفحتي

مواعيد سرااّب الله يعافيك يالغ ـــالي ونورت الصفحه بتواجدكـ

<< تضحك
حلووووووووه حيل .. بجد بجد منقول رائع
تشكرااتي لك

الله يوسع صدرك بالعافية


ماباقي إلا الصفوف وتصير محاورة هههههههه



مشكووور اخوي ..