الكــرز والمنقا..!

علـيـك الله يـاذيـك الـبـروق ف/لـيـل توديـعـه=شعيتـي هاجـس الشاعـر وعـدّا عالـي المرقـا
ابـا اهديـك السـلام وشاعـرك لبـت مساميـعـه=سـلامٍ مـن خفـوق الشـوق عانـا ليلـة الفـرقـا
تقـطّـع بـــه معـالـيـق الـفــؤاد وزاد تلـويـعـه=رحيل القلـب فـي درب الغـروب وليلـة الملقـا
ثوانـي عشتهـا والوقـت حاسـم فـي تطابيعـه=مابيـن ابهـام راحتهـا سريـعـه لحـظـة الطـقـا
لفتـنـي بالـحـلا قـمـرى وزاد الـزيـن تفريـعـه=شعاع النور من وجهه لها وسط الحشا مرقـا
زرع لي من ورود الشوق تشرب من منابيعه=قطفناهـا مــن كفـوفـه يالـيـن الثـغـر والعنـقـا
اسـوق النايـف اللـي يسعـد الخاطـر مطاليعـه=واهدّه حزة جيـوش الكـرز تَكْبـر علـى المنقـا
وردنـا وارتوينـا مـن خـيـال ارهــى مداميـعـه=قـراحٍ رد ذيـك الــروح مــن روحٍ لـهـا نشـقـا
اخذ طعم السحـاب ولـون نجمـه فـي تلاميعـه=واخذ لمع السيوف اللي لها وقت اللقاء زرقـا
عـطـاه الله مــن ذاك المخـيـل وزاد تجمـيـعـه=نقـعْ فـي خاصـرة بيـره زلال النبـع والمسـقـا
تلمـلـم بالـظـلام وزاد فــي قـلـبـي مواجـيـعـه=اعـض ابهـام وسـط الليـل وانخـاه البقـا تبقـا
نظرته يـوم قفّـا وانرسـم لـي وصـف توديعـه=تقّفـى نـور مـن ليلـه ومقـبـل لـيـل لــي عـقـا
جلسـت الملـم اهـمـوم الـفـراق بـكـل تنويـعـه=اعلّقهـا ولـو بالـجـوف نـاقـوس الخـطـر دقــا
تقبّلـت العـزا فــي حــب قلـبـي بـعـد تشييـعـه=وجـفـت كــل وديــان المشـاعـر ليـلـة الفـرقـا

،
،
،
وسلامتكم

الله عليك ياصالح دره شعريه من دررك .. نص فخم استمتعت بقراءته
مابين قصيده واخرى ترتقي بذائقتنا بحروفك العذبه وابداعك الفاخر
صح لسانك دائماً وصح نبضك ....

صح لسانك أخوي صالح بن عمار

صح لسانك اخوي صالح والله لايهينك

صح لسانك على هالابيات الطيبه والرائع


بيض الله وجهك

صح لسانك خيي صالح

كتبت فأبدعت .. نص شعري جميل

انتضر جديدك

صـح لسآنك..

صح لسانك صالح عمار وبيض الله وجهك على القصيده

الشاعر المميز صالح بن عمار صح لسانك مليون×مليون قصيدة عانقت السحاب أرتفاعاً بذوائق المتلقين ..

هذا هو الشعر الذي يرفع الذائقة الشعريه فصح لسانك واعتلى شانك

تقول:

مـابـيـن ابـهــام راحـتـهـا سـريـعـه لـحـظــة الـطـقــا ؟؟

صح لسانك ولاهنت على القصيدهـ الجزله