لاصار حظك والزمان وجماعتك
على تناقض فعرف انت الضحيه
الحظ زود جرح قلبك وضيقتك
وزمنك حدك حد للمهمهيه
وجماعتك فالضيق راحت وخلتك
وضيعك ربي بين هاذي وذيه
احيانن الفرصه لامرت وفاتتك
تندم عليها بعد شهر وشويه
انسان آجلك منكتب من ولادتك
لك ساعةٍ بتجيك سهم المنيه
جرتك لولا الريح ماتضيع جرتك
وتوبتك لولاها بتبقى الخطيه
انت بزمن فيه الدراهم شجاعتك
عند النفوس الضيقه والرديه
اطرد ورى الدنيا ودور سعادتك
واكذب بشعرك عند راع العطيه
الوقت هاذا مايناضر براعتك
الوقت هاذا شمس والكذب فيه
ياصاحبي والله يبارك بساعتك
تعال قبل ادنها هاشميه
مشتاق واشواقي تراها تحرتك
تعال شوف جروح قلبي نديه
هاذي اماكنا وياهي تباطتك
اماكن العشاق دايم وفيه
شوف الاماكن كلها ماتناستك
عشان ماتشره بعدها عليه