حلى جذع الشجره

غير متواجد حالياً

بسم الله الرحمن الرحيم
طبق اليـــوم سهل جداً خطوات سهلة ومفهومة
•.?.•°جـــذع الشـجرة°•.?.•°
الوصفة: حلــى قهــوة
مدةالتحضير :45دقيقة تقريباً

المقادير

6علب بسكويت شاهي +2علبة كبيرة تستله+2ظرف كريم كرميل+
2علبة قشطة+8ملاعق كبيرة كاكاو بودرة+4حبات جلكسي حجم كير

الطريقة

الخطوةالأولى
نطحن البسكويت بطاحونة الهيل بعدين نقسم الكمية نصفين الأول نحط عليه مقدارالكاكاووالنستله
والثاني بس نستله نخلط بالملعقة كل واحد لوحده وإن طلعت معك ناشفة تفتت حطي زيادة نستله
أو م ك قشطة بعدين أعجني بيدك حتى يصبح المقدارين مثل الصورة طبعاً ماراح تكون عجينة
مثل الفطايرة طرية لا طبعاً حتكون قاسية كثير لأنها عبارة عن بسكوت ونسلة وهذي المكونات
مع بعض بهل مقدار مافيها خاصيةاللين

الخطوة الثانية
نفردعلى رخام المطبخ أو الطاولة ورق النايلون بمسافة 40سم وعرض 30سم وتحصلين على مستطيل
وبعدين تحطين فوق النايلون وحدة من العجينة وتفردينها على مستطيل النايلون حتى تصير سماكته 1/2سم
وطوله وعرضه حسب السماكة

الخطوة الثالثة
نحط على النار ظرفين دريم ويب +عليتين قشطة ونحرك بس مجرد يتجانسوا نرفعهم عن النار

الخطوةالرابعة
نصب الخليط على العجينة ونبلغها كلها بخليط الكريمة بس طبعاً موكله
طبقةبسيطة مجرد دهن

الخطوة الخامسة
نكرر العملية بالعجينة الثانية بالفرد مثل الخطوةرقم (2)فوق الكريم كرميل
ونحاول تكون نفس المقاس أو أصغرأهم شي لاتطلع برى أطراف العجينة اللي تحت
لاحظي لما صبينا الخليط فوق العجينة السودة كيف نشرنه على قد مساحتهاوشوفي الكمية
وبعدين حطينا العجينة الثانيةفوقها ودهناها بخليط الكري

الخطوة السادسة
نرش اللوزالمبشور فوق الكريم نكون حمرناه شوي بالفرن أفضل من تحميرالمقلى
عشان يطلع لونه أشقر .. أوتحطين أي مكسرات تحبينا مثل الفستق المشور أوغيره

الخطوةالسابعة
نبدأ نلفها مثل الكيك السسرول حتى تصير معنا أسطوانية
ونخليها بالنايلون ملفوفة وندخلها الفريزر 5دقائق

الخطوةالثامنة
بعدماطلعناها من الفريزر نكون جايبين 4حبات جلكسي وننقعهم بقراطيسهم بالماء الحار جداً
عشان تسيح هذي طريقتي بدل الحمام المائي المزعج لاحظي كيف حاطتهم بالزبدية
ونفك ونعصر وندهن الشوكولا بالسكين حتى تتبلغ كلها بهالطريقة

الخطوة التاسعة
بالشوكة نمشي على الجذع من فوق لتحت بهل شكل نسوي فيها خطوط طولية من كل الأطراف

الخطوةالعاشرة
تفتحين طرف قرطاسة الشوكولا وتبدين تسوين خيوط طويلة من فوق لتحت شان تصير فيها
مثل الشجرة نتوءات وأرتفاعات ..صرنابدرس جغرافيا نرجع لوصفتنا..
يكفيكِ 2جلكسي...
كذا نكون خلصنا ونحطها بالفريزر

منقولـــــــــــــــــ------